ന്യൂഡല്ഹി: ഇന്റര്നെറ്റ് ബാങ്കിംഗ് അടക്കമുള്ള ഓണ്ലൈന് യൂസര് ഐഡിയും പാസ്വേര്ഡുകളും തട്ടിയെടുക്കുന്ന പുതിയ വൈറസിനെ കണ്ടെത്തി. വിന്32/റാംനിറ്റ് എന്ന മാല്വെയര് കുടുംബത്തില്പ്പെട്ട വൈറസാണ് ബാങ്കിന്റെ ഡേറ്റാ ബാങ്കില് കയറി വിവരങ്ങള് തട്ടിയെടുക്കുന്നത്.ആന്റി വൈറസുകള്ക്ക് ഇതുവരെ പിടികൊടുക്കാത്ത ഈ വൈറസ് ലിങ്കില് ക്ലിക്ക് ചെയ്താല് ഇന്റര്നെറ്റ് ബാങ്കിങ് അക്കൗണ്ട് വിവരങ്ങള് പാസ്വേര്ഡ് എന്നിവ വൈറസ് ചോര്ത്തിയെടുക്കും. വൈറസ് ഇന്ത്യയില് ഉടനീളം പരക്കുന്നുണ്ടെന്നാണ് സൈബര് സെല് നല്കുന്ന വിവരം.
സൈറ്റുകളില് കാണുന്ന അനാവശ്യ ലിങ്കുകളില് ക്ലിക്ക് ചെയ്യരുതെന്നും ഇമെയിലിലും മറ്റും എത്തുന്ന മെയിലുകളില് കാണുന്ന അറ്റാച്ച്മെന്റ് ഫയലുകള് ഡൗണ്ലോഡ് ചെയ്യരുതെന്നും സൈബര് സെല് മുന്നറിയിപ്പു നല്കുന്നു. ഡെസ്ക്ടോപ്പിലെ ഫയര്വാള് പ്രൊട്ടക്ഷന് ആക്ടിവേറ്റ് ചെയ്യാനും സൈബര് സെല് ഉപദേശിക്കുന്നു.
No comments:
Post a Comment