2. ഞാന് ഒറ്റയ്ക്കു പുറത്തിറങ്ങുമ്പോള് എന്റെ കണ്ണുകള് വഴിയില് കാണുന്ന സ്ത്രീകളുടെ മുഖത്തും നെഞ്ചിലും അരക്കെട്ടിലുമായിരിക്കും. മണകുണാഞ്ചന്മാരായ ഭര്ത്താക്കന്മാരോടൊപ്പം നടക്കുന്ന സ്ത്രീകളെല്ലാം അസംതൃപ്തരും എന്നെപ്പോലെ ഒരു ചെറുപ്പക്കാരനെ ആഗ്രഹിക്കുന്നവരുമാണെന്ന് ഞാന് ഉറച്ചു വിശ്വസിക്കുന്നു. അതുകൊണ്ട് തന്നെ ചെറുചിരിയോടെ ആ ഭാര്യമാരുടെ കണ്ണുകളിലേക്ക് നോക്കുന്നത് എന്റെ അവകാശമാണ്. ഈ കാലനില് നിന്ന് എന്നെ രക്ഷിക്കൂ എന്ന അപേക്ഷാഭാവത്തോടെ ആ ഭാര്യമാരുടെ കണ്ണുകള് എന്നെ കൊത്തിപ്പറിക്കുന്നത് എനിക്ക് അവഗണിക്കാനാവില്ലല്ലോ.
3. ബസിലും ട്രെയിനിലും യാത്ര ചെയ്യുമ്പോള് സഹയാത്രികരായ സ്ത്രീകള് എന്റെ സാമീപ്യം കൊതിക്കുന്നത് സ്വാഭാവികമാണ്. എന്നെപ്പോലെ സുന്ദരനും ആരോഗ്യവാനുമായ ഒരു പുരുഷന് അവരുടെ ശരീരഭാഗങ്ങളെ തഴുകുന്നതും ചേര്ത്തമര്ത്തുന്നതും അവര് എത്രത്തോളം ആസ്വദിക്കുമെന്നത് പറഞ്ഞറിയിക്കേണ്ടതില്ല. ഭാര്യാഭര്ത്താക്കന്മാരും കാമുകീകാമുകന്മാരും യാത്രക്കിടെ പരസ്പരം മുട്ടിയുരുമ്മിയിരുന്ന് സംസാരിക്കുന്നതും തോണ്ടുന്നതും അസഹ്യമാം വിധം ബോറായതിനാല് അവരെ അതില് നിന്നു പിന്തിരിപ്പിക്കാനുള്ള ഇടപെടലുകള് ഞാന് നടത്തും.
4. ചില്ലുമേടകളിലിരിക്കുന്ന സ്ത്രീകളെ തെരുവില് കണ്ടാല് കയറിപ്പിടിക്കുന്നത് എന്റെ ഒരു വിനോദമാണ്. അവര്ക്കു ചുറ്റും ആള്ക്കൂട്ടമുണ്ടെങ്കില് ആള്ക്കൂട്ടത്തിലൊരുവനായി സ്ത്രീകളെ പിടിക്കുന്നത് സുരക്ഷിതവും ബുദ്ധിപരവുമാണെന്ന് ഞാന് വിശ്വസിക്കുന്നു. സിനിമാ നടിമാര്, സെലബ്രിറ്റികള് തുടങ്ങിയവരെ പിടിക്കുന്നതിലൂടെ പാകിസ്ഥാനെതിരായ വണ്ഡേ മാച്ച് ജയിച്ചതുപോലെ ഒരു സന്തോഷവും സമാധാനവും എനിക്കനുഭവ്പെടാറുണ്ട്. എപ്പോള്, എവിടെ വച്ച് എങ്ങനെ കയറിപ്പിടിച്ചാലും പെട്ടെന്ന് എതിര്ക്കുമെങ്കിലും സ്ത്രീകള് ഉള്ളിന്റെയുള്ളില് സന്തോഷിക്കുകയും ആ പിടുത്തം എക്കാലവും മനസ്സിലിട്ട് താലോലിക്കുകയും ചെയ്യും എന്നെനിക്ക് ഉറച്ച വിശ്വാസമുണ്ട്.
5. അമിതമായ ലൈംഗികാസക്തിയുള്ള സ്ത്രീകളാണ് ടൈറ്റായ വസ്ത്രങ്ങള് ധരിക്കുന്നതെന്നും അംഗലാവണ്യം എടുത്തു കാട്ടുന്ന വസ്ത്രം ധരിക്കുന്ന സ്ത്രീകള് ക്രൂരമായി ബലാല്സംഗം ചെയ്യപ്പെടാനാഗ്രഹിക്കുന്നവരാണെന്നും ഞാന് വിശ്വസിക്കുന്നു. അങ്ങനെയുള്ള സ്ത്രീകളെ തൊടുന്നതും പിടിക്കുന്നതും ഒരു നല്ല കാര്യമാണ്. രാത്രിയില് ഒറ്റയ്ക്കു യാത്ര ചെയ്യുന്ന സ്ത്രീകളും മറ്റൊന്നല്ല ആഗ്രഹിക്കുന്നത്. വസ്ത്രത്തെക്കാള്, ഭക്ഷണത്തെക്കാള് എല്ലാം പ്രധാനമായി സ്ത്രീകള് ആഗ്രഹിക്കുന്നത് ലൈംഗികസംതൃപ്തിയാണ്. അത് നല്കാന് സദാ സന്നദ്ധനായി സകല അവസരങ്ങളും വിനിയോഗിക്കുന്ന എന്നെ സ്ത്രീപക്ഷവാദിയായാണ് കാണേണ്ടത്.
6. എന്റെ റേഞ്ചിലുള്ള ഒരു സ്ത്രീ എന്നെ പരിഗണിക്കാതെ പുറത്തു നിന്നൊരാളെ ജാരനായോ കാമുകനായോ സ്വീകരിക്കുന്നത് എനിക്കു സഹിക്കാന് കഴിയുകയില്ല. ഞാനും ആ സ്ത്രീയുമായി പ്രത്യേകിച്ച് ഒരടുപ്പവും ഇല്ലെങ്കിലും ഭര്ത്താവല്ലാതെ മറ്റൊരാളെപ്പറ്റി അവര് ആലോചിക്കുന്നുണ്ടെങ്കില് അത് എന്നെപ്പറ്റി മാത്രമായിരിക്കണമെന്ന് എനിക്കു നിര്ബന്ധമുണ്ട്. മറിച്ച്, നമ്മളൊക്കെ ഇവിടെയുള്ളപ്പോള് പുറത്തുന്നൊരുന്നതെ അടുപ്പിക്കുന്നത് എന്റെ വ്യക്തിത്വത്തിനും പൗരുഷത്തിനും നേരെയുള്ള വെല്ലുവിളിയായി കണക്കാക്കി ഉറപ്പായും ഞാന് പ്രതികാരം ചെയ്യും.
7. വല്ലവന്റെയും ഭാര്യയെ പ്രേമിക്കുന്നിടത്തോളം കാലം ഞാന് ന്യൂജനറേഷന് ആശയങ്ങളെ പിന്തുണയ്ക്കുകയും അത്തരം ആശയങ്ങളുടെ വ്യാപനത്തെ പ്രോല്സാഹിപ്പിക്കുകയും ചെയ്യും. എന്നാല് എന്റെ ഭാര്യയെ വല്ലവനും പ്രേമിക്കുന്ന കാര്യത്തില് ഞാന് ഓള്ഡ് ജനറേഷനായി തുടരും. എന്നെക്കാള് മികച്ച ഒരു പുരുഷനെ കണ്ടെത്താല് എന്റെ ഭാര്യയ്ക്കാവില്ല എന്നതുപോലെ തന്നെ മറ്റു സ്ത്രീകള്ക്ക് കണ്ടെത്താന് കഴിയുന്ന ഏറ്റവും മികച്ച പുരുഷന് ഞാനാണെന്നതും ഞാനുറച്ചു വിശ്വസിക്കുന്നു.എന്റെ ഭാര്യ മറ്റാരെയെങ്കിലും ഇഷ്ടപ്പെടുന്നത് തെറ്റും ഞാന് മറ്റുള്ളവരുടെ ഭാര്യമാരെ ഇഷ്ടപ്പെടുന്നത് അങ്ങനെ ശരിയുമായിത്തീരുന്നു.
8. ചെറുപ്പക്കാരായ പെണ്കുട്ടികള് സുന്ദരികളാണെന്നു വിശ്വസിക്കുകയും അഹങ്കരിക്കുകയും ചെയ്യുന്നതിനാല് തങ്ങളുടെ ആകര്ഷകത്വം നഷ്ടപ്പെട്ടു എന്നും ജീവിതത്തിലെ നല്ലകാലം അവസാനിച്ചു എന്നും കരുതിയിരിക്കുന്ന മുപ്പതുകളുടെ അവസാനത്തില് നില്ക്കുന്ന സ്ത്രീകളെ വശീകരിക്കാനാണ് എനിക്കു താല്പര്യം. ആ പ്രായത്തിലുള്ള സ്ത്രീകളെ വളയ്ക്കുമ്പോള് എനിക്ക് അവരോടുള്ളത് സത്യസന്ധവും ആത്മാര്ത്ഥവുമായ പ്രണയമാണെന്ന് അവര് വിശ്വസിക്കും. മണി മണിപോലുള്ള പെണ്പിള്ളേരെ വേണ്ടെന്നു വച്ച് അവരെ പ്രണയിക്കുന്നതിന്റെ നന്ദിയും കടപ്പാടും അവര്ക്ക് എന്നും നമ്മളോടുണ്ടായിരിക്കും.
9. പരിയമുള്ള സ്ത്രീകളെ വളയ്ക്കാനും തിരിക്കാനും നില്ക്കാതെ മുഖത്തു നോക്കി ക്യാന് ഐ ഹാവ് സെക്സ് വിത്ത് യു എന്നു ചോദിക്കുന്നത് അപാരമായ ബോള്ഡ്നെസ്സ് ആണെന്നു ഞാന് വിശ്വസിക്കുന്നു. ആ സ്ത്രീ അങ്ങനൊരു കാര്യം ആലോചിച്ചിച്ചു പോലുമില്ലെങ്കിലും ബോള്ഡായും സ്ട്രെയ്റ്റായുമുള്ള എന്റെ ചോദ്യത്തില് ആകൃഷ്ടയായി അവള് അത് സമ്മതിക്കുമെന്ന് ഞാന് വിശ്വസിക്കുന്നു.
No comments:
Post a Comment